Boat Thai

Open Now

Now Closed

係I square 睇完戲要食飯，落雨唔想出去，見到呢間新餐廳，價錢合理，俾佢呢個甜品吸引咗入去。佢哋主要做船麵同埋雞飯，但係就試咗香港少見嘅泰北咖喱雞脾麵，仲叫咗泰式肉碎炒飯同埋紅咖喱魚餅。泰北咖喱雞脾麵都幾重味，要用啲青檸汁平𧗾下。全蛋麵好索汁，雞髀肉都可以。泰式肉碎炒飯啲肉碎好乾身，甜辣味為主。紅咖喱魚餅好香，入面仲有豆角增加口感。食完先落椰子粟米雪糕．好快到。椰子雪糕好幼滑，加埋花生、粟米、椰子肉，原來係咁夾。食到底仲有糯米飯，雪糕已經溶咗做椰奶，又別有一番風味。