為食魚海鮮火鍋專門店 (Closed)

旺角的火鍋店雖然多，但講到味道好好、食材新鮮就真係唔易搵，最近朋友推介白布街新開的一間火鍋店「為食魚」，確實值得推介一下原來此店有兩層，樓上間房，招呼想有私人空間的客人，去到老闆見我地一行10人，便為我們安排了一間設有大電視的大房。菜色方面，尤其想推介佢地主打嘅「石鍋烤魚」，真係美味到不得了，尤其是個湯底，酸辣麻度適中，同枱朋友個個「𢳂完再𢳂」,飲完又飲，抵讚嘅係侍應加湯便真係加回原味靚湯，並唔係求求其「溝水」。👍👍👍👍👍條魚肉質亦很美味，老闆強調，佢地好重視食材質素，賣嘅係新鮮游水魚👍👍👍👍。食完條魚成班老友還叫了肥牛、生蝦、黑松露丸、菜...，都係好正，個黑松露丸未煮已經有很香濃的黑松露味👍👍👍此店的肥大美國生蠔亦是必吃，iphone 6 plus size的大生蠔，只售58蚊隻，生食熟食都得，味道之鮮甜令我諗起築地的肥生蠔👍👍👍👍👍。