今次又搵到一間
充滿instagram影相好正有格調既西餐廳 🍴
位置都好方便 附近都好多餐廳
西鐵一落行幾分鐘就到
本身就係比佢門口個menu吸引左
$388 食到二人套餐
仲有好多野食簡
重點係見到有豬手簡 都好抵
所以就決定入去試下新餐廳
daily餐湯 個日係忌廉南瓜湯
成個湯個感覺好濃 材料好足
南瓜同忌廉既比例剛剛好
跟湯個餐包 都幾特別
幾鍾意餐包個黑醋醬汁
前菜就簡左哈密瓜巴馬火腿配火箭菜
哈密瓜夠甜 配巴馬火腿超正
唔會太咸中和返個味道
再黎意粉/飯就簡左
蟹肉冬陰公意大利飯
蟹肉份量都算多
冬陰公味既意大利飯又真係第一次試
果然無令我地失望 特別得黎都幾岩香港人口味
唔會辣又保留到冬陰公既香味
主菜真係要贊
我地二人簡左蜜糖烤德國豬手配燒菠蘿
德國豬手焗得好香脆
豬皮仲帶有微甜既蜜糖味
服務員仲好貼心咁等我地影完相先幫我地切埋 要加分
豬手既肉相當淋 易入口
呢個二人套餐價錢食到咁正既豬手相當難
整體來講 呢間餐廳比我嘅印象十分之好
有服務之餘 店員貼心有禮
食物嘅水準都係相當之好
用心經營嘅餐廳值得一去
