宜家家居餐廳及咖啡室

Open Now

Now Closed

好耐冇去過IKEA食野，難得EASTER長假就同仔仔去一去MEGA BOX既IKEA食個LUNCH，順便行下街啦。一直都覺得IKEA既肉丸係勁好味的，所以雖然MEGA BOX唔就腳，但一年都總會為左食IKEA肉丸而去1，2次的。雖然今日係假日，但其實人唔算多，只係唔明白點解IKEA有一半場地都冇開，搞到要等位囉。明明眼見一半用餐區都冇人坐，但就封左唔坐得，要等位。今次叫左肉丸，小食拼盤，辣肉腸意粉同蘋果批。感覺今日全部都比以前差左。肉丸少左果醬食起上黎味道層次冇咁好。意粉，可能因為人多，所以一早裝起左幾碟等人自己拎，口感都比較乾咁，亦唔夠熱。小食拼盤就OK，咁炸既，實好食既。而蘋果批就係賣相差D姐，因為都係得番一舊，又想食，所以壓爛左D都照買呢。雖然話今次覺得水準差左，但咁多野先係120蚊咋喎。咁既價錢，真係都係抵食既；只係將來特別為IKEA而去MEGA BOX既機會就可能細D囉。