Poke Go (汕頭街)

Open Now

Now Closed

早幾日朋友帶左我去Poke Go，話帶我食魚生飯。心諗魚生飯有咩咁特別呀？點知去到門口已經見到有好多外國人幫襯。一坐低睇個menu，原來佢地係夏威夷魚生飯，顏色好豐富，好igable！舖頭仲貼左好多明星光顧後影嘅相，有信心保證👍🏻我哋揀左signature bowl，叫左一個ONO同OHANA。ONO係三文魚魚生飯加青瓜、雞蛋絲同蟹棒沙律做配菜，再以芝麻醬作調味。三文魚食落新鮮，同埋佢同芝麻醬出奇地夾，第一次食都唔會覺得奇怪，而且覺得好好食。另外佢個蟹棒沙律都係加分位，沙律醬食落唔似現成醬，似有人手調配過，同埋每啖沙律都食到細細嘅蟹棒絲，真係一試難忘。OHANA都係三文魚飯，但配料轉左沙律菜、櫻桃蕃茄，醬汁就用咗蜜糖芥末醬，蕃茄仔好鮮甜，食落比ONO Fresh D。同埋食落蜜糖芥末醬比較突出，鍾意清新同蜜糖芥末嘅人要一定試下。另外除咗佢哋嘅signature bowl之外，仲可以自由配搭，由base,到toppings 到醬都有好多種唔同選擇，下次黎要試吓自己mix and match!