Video
Read full review
2008-11-09
12 views
一個星期六的中午同老婆來到ifc搵食, 經過VQ, 經理站在門外sell個holiday’s special, 睇落去都唔錯, 而且聽聞佢地的意大利菜做得幾好, 便入去試一試入面的裝修同格局都係偏向高尚, 但我估計係星期六的下午,應該已經比晚餐relax一點, casual一點的了, 先奉上一籃唔熱的香草包, 但並唔係食友架架麵圖中方型的Focaccia, 只係一片片三角型的, 老實講有d失望, 配橄欖油同balsamic vineger同吃, 只有淡淡的香草味, 唔算突出holiday’s special的頭盤係雞肉青蘋果西芹沙律(apple, celeryand chicken salad)同是日餐湯, 沙律都有幾多雞肉, 配上爽口的青蘋果同西芹, 酸酸甜甜都幾清新, 而餐湯係野菌湯, 內有大量不同的野菌粒, 所以有濃郁的野菌香味, 都幾好飲, 因為並沒有下大量忌廉去煮成 ,所以唔會好膩pasta or risotto我地選擇左蛋忌廉汁煙肉露筍意粉(spaghetti with bacon and asparagus in egg cream sauce), 其實呢個即係意大利最典
入面的裝修同格局都係偏向高尚, 但我估計係星期六的下午,應該已經比晚餐relax一點, casual一點的了, 先奉上一籃唔熱的香草包, 但並唔係食友架架麵圖中方型的Focaccia, 只係一片片三角型的, 老實講有d失望, 配橄欖油同balsamic vineger同吃, 只有淡淡的香草味, 唔算突出
holiday’s special的頭盤係雞肉青蘋果西芹沙律(apple, celeryand chicken salad)同是日餐湯, 沙律都有幾多雞肉, 配上爽口的青蘋果同西芹, 酸酸甜甜都幾清新, 而餐湯係野菌湯, 內有大量不同的野菌粒, 所以有濃郁的野菌香味, 都幾好飲, 因為並沒有下大量忌廉去煮成 ,所以唔會好膩
pasta or risotto我地選擇左蛋忌廉汁煙肉露筍意粉(spaghetti with bacon and asparagus in egg cream sauce), 其實呢個即係意大利最典型的Pasta alla carbonara, 意粉煮得al dente,有咬口, 配上用煙肉加蛋黃忌廉汁同吃, 好好味道, 因為煙肉略為煎過, 十分香口, 而且滑滑的蛋黃忌廉汁亦唔會煮太稀, 陣陣蛋同忌廉香包滿左每一條意粉, 水準甚高, 令本人驚喜不已, 食完後才想起為什麼會唔覺有露筍的存在??
Pizza我地要左黑水欖, 聖丹尼火腿和火箭菜(black olive, san daniele ham and rucola), 呢個pizza係最傳統的意大利薄的餅底, 做得都算有水準, 薄薄脆脆的, 配上san daniele ham, 呢種ham當然無parma 生產的咁高質素, 始終三百多元的套餐唔可以咁貪心, 但咸香味道亦比較相近, 配上苦苦的火箭菜令pizza味道提高左唔少層次, 唯一美中不足的地方係佢地用普通碟奉上, pizza的熱力令到有倒汗水, 破壞pizza的乾同脆的程度, 可能轉用木做的薄餅容器會更好!!
甜品係朱古力蛋糕配雲呢嗱汁, 叫蛋糕並不盡真實, 因為佢其實整件都係朱古力, 內有果仁同綿花糖然後雪凍左, 減低甜度, 配有雲呢嗱籽的雲呢嗱汁食都唔錯
來意大利餐廳一定要飲杯咖啡作結, 我地試左cappuccino, 淡淡的咖啡味, 加上打得甚有水準的鮮奶泡花, 作為自己標準的cappuccino已經合格有餘
呢間來自美國紐約的意大利餐廳做的意大利菜實在做得有水準而且幾傳統, 好過果d美式意大利菜或意式美國菜, 食完個holiday’s special好滿足, 埋單連加一$360.8, 聽聞佢地VQ tiramisu好出名, 食法好特別, 但今次食得太飽, 下次一定要試
Post
