意食屋 (Closed)

琴晚約左班朋友食飯，其中一個朋友知道poly舊宿舍個邊開左間新餐廳，於是我地就去試下。入面環境舒適，但坐位唔多，建議要預先訂位。我地五個人去食，叫左5樣野食同5個甜品，每人埋單先$150，真係好抵食。野食都算大碟，而且味道好足，又無咩味精(因為食完無好口渴既感覺)，大讚！而當中我最欣賞就係黑松露帶子沙律同原隻豬手配黑椒汁。呢兩樣我大力推介，可再encore。我地當晚叫左朱古力奶涷同木糠布甸。令我感意外既係呢度既甜品都好好味，飯後唔使再揾地方食甜品啦。