Video
Read full review
2018-09-06
77 views
難得平日下午有較多時間食飯，突然想打邊爐，烚下烚下，即刻諗起最近朋友介紹嘅 616。 一坐底望到個裝修都覺得店主好有心機，呢間分店行懷舊 👍午餐餐牌得四款揀，價錢同出面差唔多。而家仲有優惠:第二個餐半價 (不過我好堅持想打邊爐，所以同朋友只點一個餐。）我地揀左芝士牛肉麵 ($48)， 加$9 有碟菜。 當個麵上枱，姨姨貼心叫我地先飲湯，再㩒芝士落湯浸一陣，食麵，完前飲多啖湯。 (好仔細😂) 第一啖湯好飲到香甜嘅牛味，我諗呢個湯有撈埋”蕃茄（膏）”整； 食到底真係要飲多幾啖湯，牛湯mix 蕃茄嘅精華！！ (我好少食完麵會再飲湯，但呢個真係正） 牛肉厚身連筋，好少出面食牛肉麵用呢part，頂到盡用牛展頂數。到我想食嘅牛肉～我點左牛駝峰 (前），朋友點澳洲和牛牛胸肉（後）。兩碟都分別$48。望顏色都有期望，餐紙建議呢兩碟都淥八秒，不過我地見多紅色 決定淥十秒😂🤣。 兩款都好重牛味，前者肉質較實，後者和牛入口即溶，我直覺質素同價錢太不相符吧，其他店食應該貴啲😍😍醬有好多款揀，我揀牛油豉油 同鮮牛汁。鮮牛汁必食，冇加味精，更點綴每片牛！再加埋青檸仔俾大家按口味撈，好少可！(講返我地牛骨清湯，真材
一坐底望到個裝修都覺得店主好有心機，呢間分店行懷舊 👍
午餐餐牌得四款揀，價錢同出面差唔多。而家仲有優惠:第二個餐半價 (不過我好堅持想打邊爐，所以同朋友只點一個餐。）
我地揀左芝士牛肉麵 ($48)， 加$9 有碟菜。 當個麵上枱，姨姨貼心叫我地先飲湯，再㩒芝士落湯浸一陣，食麵，完前飲多啖湯。 (好仔細😂)
第一啖湯好飲到香甜嘅牛味，我諗呢個湯有撈埋”蕃茄（膏）”整； 食到底真係要飲多幾啖湯，牛湯mix 蕃茄嘅精華！！ (我好少食完麵會再飲湯，但呢個真係正） 牛肉厚身連筋，好少出面食牛肉麵用呢part，頂到盡用牛展頂數。
到我想食嘅牛肉～我點左牛駝峰 (前），朋友點澳洲和牛牛胸肉（後）。兩碟都分別$48。望顏色都有期望，餐紙建議呢兩碟都淥八秒，不過我地見多紅色 決定淥十秒😂🤣。 兩款都好重牛味，前者肉質較實，後者和牛入口即溶，我直覺質素同價錢太不相符吧，其他店食應該貴啲😍😍
醬有好多款揀，我揀牛油豉油 同鮮牛汁。鮮牛汁必食，冇加味精，更點綴每片牛！再加埋青檸仔俾大家按口味撈，好少可！
(講返我地牛骨清湯，真材實料，仲有香甜粟米同蘿蔔，打邊爐重點）
跟麵餐有飲品送，絕對唔係可樂七喜禁簡單！洛神玫瑰茶唔太甜，好清新。另外，頭三十個食 lunch 有菊花冰粉 (菊花啫喱)送！有菊花係啲啫喱度，一食落去好有下火感覺！ 不得了，個午餐由主食飲品甜品都好好食，唔只打邊爐，午餐都會諗起呢間餐廳😂力推🙌🙌🙌
除左食物，姨姨好好人，好nice. 佢一個負責唒成個枱面都好有耐性介紹食物俾我地揀同點食，服務💯💯。
Post
