Video
Read full review
2023-05-31
678 views
隨著荃灣發展越來越成熟，加上幾個大型商場都有天橋連接，呢日熱辣辣既日子就黎左荃灣行下街買下野。餐廳正正位於荃灣心臟地帶既港鐵站，於是行到攰就係到食個晚餐。蘑菇湯（跟餐）（⭐⭐⭐⭐⭐）同朋友點左2個晚餐set，跟餐附上蘑菇湯。未入口已經聞到十分香既蘑菇味，唔好以為佢淨係得陣香味，飲落口既蘑菇味更加香濃。唔似罐頭湯，餐廳烹調既蘑菇湯唔會有陣死咸或者飲完好渴既感覺，反而喜歡佢整體以蘑菇香為主味，咸度只係次要，令到我地更期待餐廳既食物。烤三文魚明太子忌廉燴扁意粉（$118）（⭐⭐⭐⭐⭐）食過樓上cafe都知一般既三文魚意粉當然只係會有幾片煙三文魚係意粉上面，但今次叫既三文魚意粉實在有驚喜，係原塊香烤三文魚柳！大大件不在話下，而且魚皮烤得脆之餘，魚肉亦保持嫩滑。筆者更加喜愛佢既明太子忌廉汁，有濃沃忌廉味之餘，亦到試到明太子既咸香。香煎加拿大豬鞍扒（$178）（⭐⭐⭐⭐⭐）另一個set就叫左豬鞍扒，係好多餐廳除左牛同海鮮以外既選擇，不過要煮得好味就唔容易。先講質感，餐廳既豬鞍切得十分厚身，令到身為肉食獸既我地十分雀躍。另外豬鞍亦都燒得剛剛好，唔會熟到變鞋口，味道亦唔會醃得過龍。配菜亦好喜歡餐廳附上
蘑菇湯（跟餐）（⭐⭐⭐⭐⭐）同朋友點左2個晚餐set，跟餐附上蘑菇湯。未入口已經聞到十分香既蘑菇味，唔好以為佢淨係得陣香味，飲落口既蘑菇味更加香濃。唔似罐頭湯，餐廳烹調既蘑菇湯唔會有陣死咸或者飲完好渴既感覺，反而喜歡佢整體以蘑菇香為主味，咸度只係次要，令到我地更期待餐廳既食物。
烤三文魚明太子忌廉燴扁意粉（$118）（⭐⭐⭐⭐⭐）食過樓上cafe都知一般既三文魚意粉當然只係會有幾片煙三文魚係意粉上面，但今次叫既三文魚意粉實在有驚喜，係原塊香烤三文魚柳！大大件不在話下，而且魚皮烤得脆之餘，魚肉亦保持嫩滑。筆者更加喜愛佢既明太子忌廉汁，有濃沃忌廉味之餘，亦到試到明太子既咸香。
香煎加拿大豬鞍扒（$178）（⭐⭐⭐⭐⭐）另一個set就叫左豬鞍扒，係好多餐廳除左牛同海鮮以外既選擇，不過要煮得好味就唔容易。先講質感，餐廳既豬鞍切得十分厚身，令到身為肉食獸既我地十分雀躍。另外豬鞍亦都燒得剛剛好，唔會熟到變鞋口，味道亦唔會醃得過龍。配菜亦好喜歡餐廳附上大量沙律菜，食到整體感覺得以平衡。
宇治金時抹茶梳乎厘班戟（$108）（⭐⭐⭐⭐⭐）試過主菜當然要試埋餐廳最出名既甜品類之一—梳乎厘班戟。未食落口就知道佢唔打卡唔得啦，除左班戟食以外，仲有好多配料，擺盤簡直好似日本cafe咁精緻。味道方面，班戟十分鬆軟，配上抹茶醬，一啖一啖食唔停口，另外紅豆蓉同白玉蕨餅亦都食整體味道同口感提升，絕對係餐廳必試！
宇治抹茶士多啤梨鮮奶（跟餐+$30）（⭐⭐⭐⭐⭐）飲品我地就點左餐廳既推薦之一—宇治抹茶士多啤梨鮮奶。賣相紅紅綠綠十分搶focus，士多啤梨配綠茶亦都係清新之選。好喜歡餐廳採用既鮮奶，入口十分滑身，一飲就肯定唔係奶精開出黎。另外配上士多啤梨果醬，飲落好夾，唔會搶左抹茶個種茶香，反而酸甜既感覺令到整杯抹茶唔會太單調，抹茶不過苦、果醬不過甜。
凍檸檬茶（跟餐）（⭐⭐⭐⭐💢）另外點左杯凍檸檬茶，可說中規中矩，有茶味有檸味，重點係唔會好似其他餐廳咁，冰仲多過茶，檸檬片亦唔會薄過紙，不錯不錯！
~~~~~~~~~~~~~~~~~~~~~~~~~~HeSheEat (綠楊坊) 荃灣蕙荃路22-66號綠楊坊LG樓G15-16號舖
👍地點方便
👍CP值高
👍打卡一流
Post
