孖啡 (Closed)

想搵個地方休息傾吓計，cafe係唔錯嘅選擇。位於旺角嘅孖啡，距離地鐵站不過2分鐘路程，幾方便。晚市既套餐會包埋一杯$38既飲品，其他飲品只需要補返差價。我哋嗌咗杯薰衣草嘅花茶，價錢略嫌比較貴。有燭火幫花茶保温，飲落去有淡雅清新既薰衣草香，係好舒服嘅味道。玩卡牌遊戲嘅時候，當然唔少得小食。一份瑞士雞翼有六隻，雞肉幾滑，瑞士汁微甜，如果瑞士汁嘅調味再濃啲就更好。三文魚忌廉天使麵，醬汁不膩，均勻地依附係每一條天線麵上，三文魚鹹香，不錯。而另外一個意粉就偏向淡口味。