Video
Read full review
2020-07-15
90 views
某日同媽媽經過位於旺角白布街, 十分驚喜地發現呢間一向係銅鑼灣幫襯開既HE SHE EAT, 所以就決定當晚係呢度食晚餐. 呢間HE SHE EAT 比銅鑼灣大, 樓高有兩層, 整間餐廳主要用吊燈配合鮮麗既牆身顏色為佈置, 吸晴度極高. 我地被安排到上層, 當經過樓梯位置時, 我完全被牆上面兩幅一男一女既畫像吸引, 而且二樓既裝潢更加有特色, 十分喜愛呢個塗滿粉紅色既小小角落, 加上一排好靚既吊燈襯托, 大大提升了整個用餐既投入度. 翻開MENU, 亦有令一番驚喜, 食物選擇比以前多左好多, 而且價錢亦相當合理.有選擇困難症既我地最後點左香辣大蝦柚子沙律, 三文魚茄汁意粉同埋香草燒春雞. 作為開胃菜, 呢個香辣大蝦柚子沙律絕對拎滿分, 除左有唔同既沙律菜既配撘, 而且大蝦既肉質彈牙有口感外, 柚子既味道配上香辣粉出奇地完美, 令本身淡而無味既沙律菜生色不少.而另外呢個三文魚茄汁意粉, 意粉用左我最愛既扁意粉, 軟硬度適中, 主角三文魚亦煎得十分香脆乾身, 食上口唔會有油淋淋既感覺. 我最鍾意有小小車厘茄做配撘, 而且配合適量既茄醬令胃口大開. 呢個牛油香草燒春雞配沙拉係我食過最好味既一
呢間HE SHE EAT 比銅鑼灣大, 樓高有兩層, 整間餐廳主要用吊燈配合鮮麗既牆身顏色為佈置, 吸晴度極高. 我地被安排到上層, 當經過樓梯位置時, 我完全被牆上面兩幅一男一女既畫像吸引, 而且二樓既裝潢更加有特色, 十分喜愛呢個塗滿粉紅色既小小角落, 加上一排好靚既吊燈襯托, 大大提升了整個用餐既投入度.
翻開MENU, 亦有令一番驚喜, 食物選擇比以前多左好多, 而且價錢亦相當合理.
有選擇困難症既我地最後點左香辣大蝦柚子沙律, 三文魚茄汁意粉同埋香草燒春雞.
作為開胃菜, 呢個香辣大蝦柚子沙律絕對拎滿分, 除左有唔同既沙律菜既配撘, 而且大蝦既肉質彈牙有口感外, 柚子既味道配上香辣粉出奇地完美, 令本身淡而無味既沙律菜生色不少.
而另外呢個三文魚茄汁意粉, 意粉用左我最愛既扁意粉, 軟硬度適中, 主角三文魚亦煎得十分香脆乾身, 食上口唔會有油淋淋既感覺. 我最鍾意有小小車厘茄做配撘, 而且配合適量既茄醬令胃口大開.
呢個牛油香草燒春雞配沙拉係我食過最好味既一個, 整碟都係我最愛既雞脾部份, 未食之前已經聞到好香既蜜糖味, 而且肉質非常嫩滑, 完全做到外脆內軟既口感.
最後, 成晚既主角終於出場, 就係每次食完都十分回味既原味厚焗鬆餅, 圓圓的形狀十分可愛, 口感鬆軟, 見到佢經常令我聯想到沖涼軟軟既浴棉, 配合埋焦糖醬同埋VANILA 雪糕簡直係會令你有人生十分美好既感覺.
總括而言, HESHEEAT 咁多年黎係食物方面仍然保持高水準, 亦都睇到佢加入左好多新嘗試, 力求創新, 呢份誠意完全值得我地KEEP 住再光顧
Post
