日本明太子食得多😛，但係多數都係喺意粉或者沙律入邊，淨食真係未試過🤔～隊長B今日就黎到呢間鱈卵屋試食真·明太子😈～
---------------------
黎得呢度一定盡叫明太子嘅嘢😸，總共叫左5樣菜色：
首先係呢個超勁的極上明太子😻，咪睇佢細細粒其實好矜貴架😼！來自福崗的特產，雙拼一粒係燒嘅一粒係原味💁🏻，即使原味都好，因為佢係有辣椒做主要調味，所以都幾有辛辣感🌶！
咬口好得意，食到小粒子粒粒的感覺，雖然都幾咸，但加左檸檬又好鮮味🍋～燒過嘅就更多一重煙薰味，而且軟中帶少少外脆，更有口感🌝！
明太子多士烘得好脆🍞，明太子味非常明顯，不過蒜蓉多士都唔遜色，好香蒜香味
明太子上灌湯蛋卷非常之滑🥚，蛋本身無太大味道但加入明太子就頓時帶出蛋香同鮮味，好滑好豐厚🤤，果然係「灌湯」效果
明太子烏冬又係有畫龍點睛之效🐉好creamy好滑嘟嘟～
最後就係呢度嘅名物鱈卵碗啦🙆🏻～有3步食法，第1步係就咁食，將明太子加落飯度即食，味道好夾，好能夠吊到魚味😋😋～
第2步就係加調味啦，加完特別顯出芝麻同其他香料的味道😗，有少少蓋左明太子味，但整體卻很惹味～
最後一步就係加湯，明太子浮上湯面好鮮同清甜🤗，絕對係呢餐飯好好嘅結尾～
----------------------
好味指數😋：7.5/10
翻啅指數🙆🏻：7/10
人均消費💰：201-400
服務態度👨🏼🍳：7/10
乾淨指數🌝：7/10
