Video
Read full review
2014-02-10
3214 views
每逢星期五, 我都鍾意同朋友四處搵嘢食, 而在揀選食肆方面, 除咗食物美味, 款式多, 最重要價錢合理, 地方要夠大, 咁食起嘢上嚟先會覺得舒服~ 之前同朋友朋友講咗想食日式放題, 係openrice 睇咗食評, 最後鎖定目標去"番本日式放題"試試~ 由於任食放題只得2hrs, 所以一坐低就把握時間叫嘢食, 由於第一次幫襯, 都擔心有漏單情況出現, 所以第1round 就叫多少少, 不過, 後來發現呢喥上菜時間都幾快, 而且無乜漏單, 服務員都幾勤力, 成日幫我哋收拾枱面既吉碟, 服務都ok~黃金焗蠔, 呢個焗蠔幾好味, 唔單止有香濃既芝士香味, 而且味道又唔會好咸, 個蠔焗到外脆內滑, 入面仲加咗少少配料, 令到成個蠔都好有層次感, 而蠔邊焗完唔會好靱, 呢個我encore咗3次, 實在太好味喇~鹽燒鯖魚既味道都唔錯, 鯖魚既肉質好肥美, 入口既時候有陣甘香既魚油滲出嚟, 好味, 但廚師好似落鹽重手咗, 令到個魚有d咸囉牛油炒雜菌係我既另一心水推介, 送上嚟既時候已經有好香既牛油香味傳嚟, 而入口既時候唔會覺得好油膩, 而由於入面有好多雜菌, 令原本味道清淡既金菇都鮮味起嚟 日式炸
黃金焗蠔, 呢個焗蠔幾好味, 唔單止有香濃既芝士香味, 而且味道又唔會好咸, 個蠔焗到外脆內滑, 入面仲加咗少少配料, 令到成個蠔都好有層次感, 而蠔邊焗完唔會好靱, 呢個我encore咗3次, 實在太好味喇~
鹽燒鯖魚既味道都唔錯, 鯖魚既肉質好肥美, 入口既時候有陣甘香既魚油滲出嚟, 好味, 但廚師好似落鹽重手咗, 令到個魚有d咸囉
牛油炒雜菌係我既另一心水推介, 送上嚟既時候已經有好香既牛油香味傳嚟, 而入口既時候唔會覺得好油膩, 而由於入面有好多雜菌, 令原本味道清淡既金菇都鮮味起嚟
日式炸芝士年糕既味道好得意, 外層香脆, 內層係煙靱既年糕, 滲出嚟就有濃郁既芝士醬流出, 都幾好味, 但呢個幾飽肚, 食咗個肚已經開始飽飽地
軟殼蟹手卷炸得好香脆, 而且上面加咗少少沙律醬, 唔會搶走軟殼蟹既味道, 而平時食軟殼蟹手卷, 咬唔夠兩啖, 就會成隻軟殼蟹咬咗出嚟, 呢個手卷又唔會喎, 包得都幾結實, 食既時候唔會將原隻軟殼蟹扯出嚟~
好喇, 刺身出場~ 極愛呢喥既三文魚、螺及甜蝦, 三文魚好鮮味, 唔會有白色魚筋, 而甜蝦既味道都唔錯, 蝦肉鮮甜, 螺肉亦都好爽口, 唔會有軟軟淋淋既口感, 不過, 吞拿魚及鯛魚刺身就雪到有d硬, 而且有少少雪藏味, 係呢喥就要扣少少分~
加$50可以upgrade, 食升級食物赤蝦刺身, 大大隻既赤蝦, 口感非常鮮甜, 蝦肉彈牙有質感, 赤蝦比甜蝦仲要好味得多~
叫多個蟹粥同個fd 分嚟食, 蟹粥幾足料, 裏面有大大隻既花蟹, 睇上去好似好好味, 但味道有就令我有d失望, 因為蟹粥味道好腥, 雖然粥內加咗好多薑絲, 但都遮掩唔到陣腥味, 如果呢個係膏蟹粥就好喇~番本有甜品可以叫嚟食, 臨走時我叫咗個雀巢既芝麻雪糕食, 整體嚟講呢個日式放題都食得過, 價錢ok, 而且又無乜點漏單, 最重要係上菜快, d位都坐得幾舒服, 下次可以再encore.
Other Info. :
隔離枱既婆婆推介我食升級燒羊架, 話羊架勁好味, 而且又唔靱, 就連戴咗假牙既佢都食得, 下次可以試試
(The above review is the personal opinion of a user which does not represent OpenRice's point of view.)
Post
