MOO MOO

Open Now

Now Closed

一入到黎就發現菇菇burger 同埋魚Full burger 已經賣晒啦~證明呢間應該有好多OL 或者女士黎食同埋應該幾好味!我地叫左鹹蛋黃雞堡同滋味雞堡，跟住仲叫左$98 既雞翼餐。兩個burger 既扒都好大塊好juciy! 鹹蛋黃雞堡真係好香鹹蛋黃醬味，好特別，食到津津有味! 滋味雞堡都好味，咬落去有番茄同生菜既清新，又有芝士相伴，唔怪得咁多人黎食啦!!比起burger，我更愛雞翼餐，因為有好多口味選擇而且款款睇落都好好味，叫左無敵既四款口味﹕柚子、卡加牛油、加洲風味同孜然味。我覺得最正係加洲風味，因為有碎cheese同埋香蔥!!柚子味就唔需要多講係必點口味啦! 卡加牛油同孜然味都有驚喜，比我想像中更好味，點埋配既黑松露醬更美惹味。呢D送酒一流，不過走先發現原來一至四會有酒類飲品優惠嫁。佢有手套，點食都唔會整污糟啦！環境非常唔錯，有親子既餐廳枱，有情調既BAR枱同埋室外既位置，適合唔同人士既需要。