一壽司放題個篇又BAN，虎龍放題又BAN，即係想點?!!! 你地講哂啦!!
仲有，我同朋友一齊想試下玩open rice食評，日日都一齊食飯，去既地方梗係差唔多啦
係唔係唔比同朋友一齊食飯先可「斟」我玩先?
Open Rice係唔係比食孤獨飯既人玩既先??
**要求回覆!**
==============================
Happy Friday去左食放題!
熱愛團購既朋友1口氣買左4張放題券，佢話平時呢間舖平時做$498，宜家團購$298，請我地去食wor~~
間舖個位置有點「清幽」，有點難到，不過避開人來人往既鬧市，係舒服d 既~
老實講，見到個門面，咁高檔... 如果唔係放題(仲要有人請)，真係要諗過先入呀
UFO 吊燈，每張枱上高都有，幾得意
細細張、密麻麻既點餐紙，咁都幾好。
坊間好多成本電話簿咁厚，又麻煩又難睇，我寧願一張睇哂
一坐埋位，未點單就上左燒長腳蟹、石板燒和牛，同埋刺身拼盤
真係細心，又知我地成班餓鬼，比我地邊食邊劃點餐紙
長腳蟹真係不得了! 啖啖肉!! 鹹鹹地+少少蟹味，好食! 想encore，點知話同和牛一樣，係限量送既，唔係放題包埋
和牛都好好食!! 個presentation已經靚仔，食落D 好香牛脂味，同埋林林地無筋! 一人一碟都唔嫌多
燒羊架就肥左D，個人麻麻，不過都juicy既~
燒粟米、燒雞翼都OK
日本燒餅、椰菜沙律同埋清酒煮蜆真係掂wor!! 值得推介~
絕對推介泡菜石鍋飯，細細個迷你版，幾啖完成，食到飯焦脆底，為左呢個我會再黎過!!!
茶碗蒸煮老左，不過都滑既...
甜品方面，雪糕有一黑一白揀 (雪呢拿 & 芝麻)，無乜特別
最好食甜品係焦糖布甸! 超好食!!! 可惜又係每人一客
其實我來4-5客都仲得
酒水方面，有烏龍茶、汽水同生啤揀；加錢仲有清酒放題!
不過我地無加錢，飲佢幾杯生啤，條數係返到~
