炸理滷味 (Closed)

Happy Friday 放工最開心係咩? 梗係約埋好朋友去吹水食飯飲嘢直落啦平時我個友人真係好懶🙄唔會話幫手諗下食咩👉🏻👈🏻不過今日竟然主動話要去試炸理滷味，見咁有誠意，梗係陪你去食啦店內食物價錢唔算太貴，性價比算OK嘅！我哋嗌咗一個玉子滷肉飯$32、滷肉飯撈麵$28炸理雞髀$25、炸理十串$68同埋兩支手工啤酒$100飯同麵嘅味道偏鹹，所以如果嗌嘅話，記得一定要叫嘢飲！至於炸理十串入面，以炸蔬菜為主，再加少少肉類，例如粟米芯、冬菇、翠玉瓜、午餐肉、豬腩肉等⋯味道不過不失（我自己就鍾意點埋小小沙律醬嚟食）而炸理雞脾呢，邪惡就梗架啦🤣味道拍得住三哥😂記得連埋皮食啊🙈最後，要講下呢度嘅手工啤！我同呀友人叫咗支麥子桂圓啤酒同麥子甘蔗啤酒，各＄50枝！見佢香港製造，就支持一下！前者感覺清新，飲後桂圓味繼續維持喺口腔，係特別嘅！後者以暗黑造型師人靚係靚但味道就有啲複雜，有啲似跌打酒⋯溫馨提示，呢度係立食嚟，太攰就下次先嚟試啦🙈