壹號手信 (Closed)

尖沙咀好多人買熊熊曲奇做手信，但原來喺尖沙咀買手信都有另類選擇。今次就試吓呢間壹號手信，我見佢禮盒裝都幾多款式，一次過就可以試晒唔同嘅味道，一盒裏面有7款唔同嘅款式。原味夏威夷豆塔同咖啡夏威夷豆塔，呢款好特別，果然係佢地自家制，出面未見過呢款產品，個撻上面有勁多夏威夷果，上面仲有焦糖糖漿，不過又唔太甜，勁好食。蝴蝶餅，好鬆化，唔會太過甜瓜子酥，全粒都係脆脆瓜子，用糖漿痴住d瓜子，又唔太甜，脆卜卜好食到停唔到口。杏仁紅莓脆，粒粒紅莓乾，煙煙韌韌，加埋杏仁片，食落口感唔錯。杏仁酥，上面係杏仁片下面係酥皮，好香牛油味同好鬆脆。曲奇，有2隻味，一咬勁香牛油味，食落唔會有好實嘅口感，都非常唔錯。