依條食街最肆正就係依間，可惜不知何故完全冇人，等我來推一下。
如圖所示，落地玻璃，坐位闊落舒適，二人坐四人枱慢慢邊吃邊聽音樂、聊天看外面的人。
叫了以下菜式：
1. 香葉肉碎炒飯。食材新鮮、辣度同所有嘢剛好。
2. 咖喱雞髀船麵 - yummy
不會用湯遮蓋來呃人，非常足料，啖啖肉
面嘅質感都好有咬口
3. 泰式青木瓜沙律，都係正宗的味道
4. 相比之下芒果糯米飯就冇咁特別，不過食下食下都覺得好正
5. 勁鍾意呢個椰子雪糕。椰子肉炒香左。配埋花生同脆綠豆，正!
因為之前嘅菜式都幾辣，好彩有呢個椰子雪糕，另外亦帶咗椰青同埋泰式黑咖啡，先可以解辣。
服務員笑得好靦腆，好似全部都唔係好識講中文，真係泰國人。服務都唔錯，周圍都好乾淨。裝修幾有去旅行的感覺。
除咗男朋友係半個泰國人之外，我自己都讀泰文同泰國文化、亦都有去work travel, 覺得超級正宗。香港有一啲唔錯，幾好食嘅泰菜，但係始終係港式嘅感覺。有啲直程質素係差，但係都唔平。
超級推介，我自己都一定會好快再嚟👍🏻👍🏻👍🏻
