Green Common (盈置大廈) (Closed)

星期五既午餐，約左同事飯聚，黎左呢間位於中環盈置大廈既Green Common，只做素食。餐廳裝修清一色綠色，感覺非常green！午餐餐牌有套餐，包前菜，主菜同特飲，價錢$168加一。可以加錢升級飲品或者加甜品。印度蟹肉脆球前菜4選1，我揀左印度蟹肉脆球。蟹肉脆球一客兩件，賣相唔錯。脆球外皮薄脆，入面有少少“蟹肉”粒，質感好似蟹肉不過完全無蟹味。脆球開口加左少少洋葱同甜椒碎。下底仲墊左好多脆脆。另配香辣醬汁比你倒入脆球一齊食。呢道菜式非常香口同脆口，印度風味就可以更加強。黃金魚柳配脆炸牛油果條主菜5選1，我揀左黃金魚柳配脆炸牛油果條。黃金魚柳兩大條，雖然個脆皮係幾油淋淋（肉眼都見到），不過個魚肉整得好好，真係好似真魚肉，連質感同味道都似！伴碟有他他醬同香料味重既香辣醬，個人鍾意他他醬多d，全部食嗮。脆炸牛油果4條，我第一次食炸牛油果，炸皮非常薄脆，不過牛油果勁易散開。另外仲有少少酸酸甜甜既蘿蔔絲。食完成個主菜都幾飽肚。荔枝玉桂梳打特飲有熱有凍，我揀左凍既荔枝玉桂梳打。主要係玉桂味，梳打唔重，味道唔會過甜。同行友人有人叫其他主菜，蟹肉茶漬飯就太清淡唔推介，野菇黑松露椰菜花飯既黑松露味道就