本身網上見到報道寫住新式涼茶，諗住好有趣，朗豪坊見到有舖頭，就幫襯咗一杯主打：火麻仁拿鐵…
點知完全係一個伏！
先睇睇佢嘅poster:
所以$52都照買…
點知我一睇住佢沖竟然係沖粉…
加D燕麥奶打熱佢，就話係火麻仁拿鐵…
$52，一D火麻仁味都冇…梗係啦！沖粉㗎嘛！
問佢：「咦，唔係有拉花㗎咩？」
職員：「er…要加咖啡底先有」
我：「但你呢張圖有拉花」（指住張相）
佢：「er係啊，你冇加咖啡底吖嘛」
我：「咁你唔早講？張相又冇寫…」
算，廢事拗…照飲囉咁…
杯嘢完全唔熱！連一般咖啡溫度嘅要求都冇，只係暖暖地…
咁樣嘅嘢，收我$52，我買一支火麻仁都係$30咋，好飲10倍！量多過佢5倍！
好少寫食評，但今次伏到我唔寫差評都唔得！
