Video
Read full review
2018-02-08
45 views
搵食之際，look look 下找到呢個地方，真係好多年無去過上樓cafe。見行街行到攰，就早d 同男朋友上黎玩住先再等食dinner😛。呢度環境都幾大，燈光柔和，張sofa 仲幾好坐, 坐坐下真係有D眼訓😴。門口仲有好多card game, board game 可以借黎玩😍每人最低消費只係一杯飲品就可以慢慢hea, 一大班人黎玩就啱晒。枱頭有個鐘仔，方便落order, 侍應回應速度非常有效率👍🏻呢度主打都係飲品，好多野都好想試😭，可惜病要戒口，所以只好乖乖叫熱飲。✨藍莓果茶（跟餐+18): 入邊有藍莓，葡萄，黑加侖，芙蓉花。果味都幾濃，味道唔算太酸都易入口。set dinner 餐牌，選擇唔算特別多，不過呢度係sell cafe 既悠閒氣氛多於食物罷😛，所以價錢可以接受。✨忌廉煙三文魚天使麵（$104): 呢個幾好食，個忌廉汁甜甜地一d 都唔漏，入面仲有洋蔥同菇, 而且煙三文魚唔會係死咸果種。✨黑松露醬薯條（$48): 本身話戒口戒口唔食...但放起面前真係好鬼香黑松露味，最後忍唔住破戒食左幾條。薯條係我最愛既粗身款，勁多薯肉😚，食落黑松露味其實唔係好重，因為d 黑松露只係好隨意咁
呢度環境都幾大，燈光柔和，張sofa 仲幾好坐, 坐坐下真係有D眼訓😴。
門口仲有好多card game, board game 可以借黎玩😍每人最低消費只係一杯飲品就可以慢慢hea, 一大班人黎玩就啱晒。
枱頭有個鐘仔，方便落order, 侍應回應速度非常有效率👍🏻
呢度主打都係飲品，好多野都好想試😭，可惜病要戒口，所以只好乖乖叫熱飲。
✨藍莓果茶（跟餐+18): 入邊有藍莓，葡萄，黑加侖，芙蓉花。果味都幾濃，味道唔算太酸都易入口。
set dinner 餐牌，選擇唔算特別多，不過呢度係sell cafe 既悠閒氣氛多於食物罷😛，所以價錢可以接受。
✨忌廉煙三文魚天使麵（$104): 呢個幾好食，個忌廉汁甜甜地一d 都唔漏，入面仲有洋蔥同菇, 而且煙三文魚唔會係死咸果種。
✨黑松露醬薯條（$48): 本身話戒口戒口唔食...但放起面前真係好鬼香黑松露味，最後忍唔住破戒食左幾條。薯條係我最愛既粗身款，勁多薯肉😚，食落黑松露味其實唔係好重，因為d 黑松露只係好隨意咁散落起薯條上。點解係配茄汁🤔唔係配黑松露沙律醬？
✨鮮茄焗豬扒飯（$102): 呢個汁我幾鍾意，甜甜地似酒樓食鴛鴦飯果個茄汁。豬扒幾厚切啖啖肉，唯一可惜唔係炒飯底，如果d配料，例如，雜菜，洋蔥，蕃茄肉多d 就好了。
✨瑞士雞翼（$42): 呢款等左好耐，成三，四個字，😮話制作需時。上枱果然好熱辣辣，但雞肉不失嫩滑，表皮脹卜卜。個汁唔錯，表層幾入味，但內層就淡左D。
✨心太軟（跟餐+28): 切開流心效果不算太強，但外層微脆，內裏鬆軟都幾好食，呢個跟餐價都算抵食的。
食物黎講雖然還有進步空間，不過勝在地點方便，唔使等位又可以hea 勁耐，有得玩有得食☺️整體黎講都係滿意的，服務速度亦都好快。
其實有時除左食野，有個地方靜靜地同朋友傾下計玩下，無人趕埋單，輕鬆下都係賞心樂事，作為朋友聚腳點係一個唔錯既新選擇。
Post
