Hunger Point (Moved) New Location

晚飯前，口痕想搵野食食下，我地一路行，見到hunger point ，一心諗住食雞蛋仔，原來餐廳主打墨西哥菜Taco，當然要試埋Taco。餐廳除左Tacos，仲有小食、雞蛋仔和低脂雪糕。Tacos、小食、雞蛋仔都加入了本地菜式元素，菜式味道挺特別的，口味亦好適合我地。MARKET FISH餅皮是自家製的，用全粟米粉加水製作，沒有加麵粉，餅皮做得出色，細細件，入面其實好豐富，有炸魚、青蘋果&青木瓜沙律、蕃茄莎莎、洋蔥、顏色鮮艷奪目，炸魚炸得酥脆，外層咬落去酥酥的，而且加上其他配料，口感非常豐富又清新。HK STYLE SATAY BEEF 平時食開沙嗲牛肉麵，竟然以到既沙嗲牛肉加入了Taco，非常創新，沙嗲牛肉再加上菠蘿蕃茄沙沙，甜中帶點微辣，味道意外地非常之夾，沙嗲牛肉味出，與菠蘿蕃茄沙沙平衝到，而且有助解膩。脆漿洋蔥圈炸得非常香脆，最特別就係辣椒蛋黃醬、辣椒蛋黃醬食到辣椒香味，不會只吃到辣，與蛋黃醬好夾，味道好吸引。布朗尼朱古力加低脂特濃朱古力軟雪糕雞蛋仔即叫即做，雞蛋仔粒粒飽滿，外脆內軟，蛋味香濃，低脂朱古力雪糕，入口軟滑，朱古力味非常濃郁，不太甜，由於低脂食幾多都唔怕啦。