Greyhound Café (新城市廣場) (Closed)

夜晚同朋友試吓呢間fusion菜，係泰式同西式嘅fusion，感覺都幾高級。食物款式都幾多，而且都幾特別，有正宗嘅泰國菜，亦都有同泰式同西式混合嘅菜式，感覺非常精緻。先來兩杯飲品到一杯係泰式凍咖啡，咖啡味道非常香濃，有別於一般嘅港式咖啡，帶點炭燒嘅味道，另一杯就係fruity shaky yogurt， 係利用多種新鮮生果同乳酪打成嘅smoothie ，味道好Fresh，酸酸甜甜幾開胃小食方面就叫左秘製辣肉醬手包粉卷，肉醬味道幾濃，有少少辣，包生菜同粉卷，口感都幾豐富。而主菜我哋就叫咗炸豬手配糯米飯，豬手炸得好香口，個皮好脆，肉質唔會好韌，咸香惹味。而糯米飯軟硬適中，充滿飯香另外一個主菜我哋就叫咗龍蝦炒金邊粉，賣相好靚，大大隻龍蝦擺盆，金邊粉炒得好有鑊氣，而且都好足了，龍蝦肉份量都唔少，新鮮爽口彈牙，配金邊粉一流。飯後甜品嗰啲就叫左泰式咖啡千層蛋糕，咖啡味道非常濃郁，蛋糕好有層次感，甜度適中，好滿足嘅一餐。