喺openrice訂座，順便訂埋$888，（原價$996 ）嘅兩人set 。
有3款前菜，侍應特別推介法式田螺，醬汁特別，點法包係絕配😊另外有魚生他他，好鮮甜，我反而更欣賞，仲有雞肝醬法包，唔太咸又唔腥，味道易入口。
到主菜，有4款，諗住烤豬成日食，就揀咗秘製鱸魚，開邊蒸完再用番茄舖面，酸酸哋嘅汁好醒胃。侍應話中間起哂骨，兩側有骨啫。點知得最最最中間位置冇，其他好多骨囉🙄但就幾好食嘅，而且仲有碟雜菜一齊上，好健康👍🏻朋友話菜啲好腍又好好味喎。我哋叫咗兩杯mocktail 慶祝吓，最後有迷你甜品拼盤，細細件夠滋味
2人餐份量啱啱夠。。可以再嚟食其他嘅
