Video
Read full review
2017-10-26
1057 views
一直都是「富臨酒家」嘅擁躉，其實每個月都會和家毋去飲茶或吃晚飯一兩次，所以對店裡嘅菜牌都非常熟識。早前從臉書上得知集團最近喺沙田開咗間「富臨薈」，看過網上食評，得知餐廳走新派路線，裝潢簡約而年輕，而且菜式有別於平日喺「富臨」食慣嘅木桶豉油雞、龍躉兩味等，感覺吸引，所以這晚就專程來這裡開餐。店子位於偉華中心 2 樓，踏進內，地方果然唔錯，光猛闊落，而且格局有點像西餐廳。沿著中間通道往前走，座位以四人方桌為主，較適合小家庭。細看兩旁，右手邊用上高身鳥籠作隔間，既新穎又有創意；而左手邊就以黑色窗框作裝飾，配上天花用金屬鏈串連嘅吊燈，還有盡頭嘅半開放式廚房設計，現代感十足。安坐後立即翻開餐牌細閱，有點心、腸粉、盅飯、前菜、燉湯、小食、糕品、蔬菜、小炒、飯麵、雞尾酒、啤酒及飲品等，而茶芥費就每位 $6，凡惠顧飲品每款可免收 1 位茶芥費。另外亦有幾款廚師經典推薦，當中包括有沙田燒乳鴿、有雞先定有蛋先、洛神金沙紅米腸粉、西班牙膏蟹飯、發過豬頭點心拼盤和鴻圖超脆麵。既然一心來嘗新，當然是點六大必食產品啦！沙田燒乳鴿 (正價 $48、新張優惠價 $25) 率先送上，乳鴿用木砧板盛著，上檯時已一分為二
店子位於偉華中心 2 樓，踏進內，地方果然唔錯，光猛闊落，而且格局有點像西餐廳。沿著中間通道往前走，座位以四人方桌為主，較適合小家庭。細看兩旁，右手邊用上高身鳥籠作隔間，既新穎又有創意；而左手邊就以黑色窗框作裝飾，配上天花用金屬鏈串連嘅吊燈，還有盡頭嘅半開放式廚房設計，現代感十足。
安坐後立即翻開餐牌細閱，有點心、腸粉、盅飯、前菜、燉湯、小食、糕品、蔬菜、小炒、飯麵、雞尾酒、啤酒及飲品等，而茶芥費就每位 $6，凡惠顧飲品每款可免收 1 位茶芥費。另外亦有幾款廚師經典推薦，當中包括有沙田燒乳鴿、有雞先定有蛋先、洛神金沙紅米腸粉、西班牙膏蟹飯、發過豬頭點心拼盤和鴻圖超脆麵。既然一心來嘗新，當然是點六大必食產品啦！
沙田燒乳鴿 (正價 $48、新張優惠價 $25) 率先送上，乳鴿用木砧板盛著，上檯時已一分為二，件頭雖然不大，但外形脹卜卜，體態結實。撕開外皮，入口相當香脆，而且一點也不油膩，連入面嘅骨都有豉油香，加上肉質幼嫩，肉汁豐盈，令人愈食愈想食。
接著是洛神紅米金沙腸 ($38)，師傅在腸粉皮中加入了高纖利消化嘅紅米，令平凡嘅白衣變得特別 Sharp 醒。挾起一嘗，粉皮軟綿幼滑、略帶嚼勁。而紅米腸入面就包咗油條，中間是大大隻爽蝦，一啖咬下，三層口感，再澆上洛神花汁，味道酸酸甜甜，零舍開胃。
之後是一客有雞先定有蛋先 ($38)，點心用籐織籃盛上，三隻可愛嘅小雞，其實係家鄉鹹水角，造型活靈活現，而旁邊嘅蛋殼就載住楊枝甘露布丁。鹹水角脆而不韌，完全沒半點油膩感，加埋餡料，爽脆香口；而布丁亦滑溜滋潤，甜度合宜。
這客是發過豬頭點心拼盤 ($68)，蒸籠入面載有五款特色點心，款款都別出心裁，當中包括有紫薯豬八戒、黑金流沙包、墨汁鮮蝦餃、真係粟米包及翡翠白玉餃。豬八戒造型 Cute 爆，包身軟熟，紫薯細滑味濃，甜而不膩，味道清香。抹上金色的流沙包，外形圓鼓鼓、黑漆漆，就算放涼了 5 分鐘才撕開，奶黃餡依然流心，厲害！
墨汁鮮蝦餃，餃皮加了墨魚汁來搓，色澤烏卒卒，賣相精緻小巧；一啖落肚，蝦味相當濃郁，帶陣陣松露香，啱曬我這這個胸無點墨之輩。後面晶瑩剔透嘅翡翠白玉餃，其實係白菜蝦餃，蝦肉挺爽口，入口帶鮮味，加上爽口的菜粒，富營養又健康。真係粟米包，內藏粟米、肉粒和菇菌，食落粟米甜、肉味鮮，加上造型玩味可愛，真係唔捨得食落肚。
跟住係西班牙膏蟹飯 ($680)，蟹飯以西班牙式烹調，上桌時面頭放咗兩大隻盛滿蟹膏嘅蟹蓋，看得人心花怒放。先嘗一口蟹蓋入面嘅蟹膏，味道帶點鹹鮮，口感豐潤軟滑。把蟹肉剝出細嘗，肉質爽滑鮮甜，能吃到蟹肉的天然鮮味，超讚！再將蟹膏傾入鍋內嘅西班牙飯拌勻，蟹膏甘香惹味，飯粒軟硬適中，夾雜著一起吃，每一口米飯都有濃郁的蟹味，喜歡吃蟹的朋友千萬不要錯過。
壓軸是鴻圖超脆麵 ($78)，麵餅分成 5 小份，炸至香脆，呈圓柱狀，面頭鋪上蟹肉和蟹膏，然後再淋上搶眼嘅醬汁，賣相吸睛，惹人垂涎。挾起咬下，麵條果然做得好出色，入口脆卜卜，加上頂層雪白嘅蟹肉和溶化成油嘅蟹膏，非常邪惡，亦為這晚劃上美好的終結！
Post
