優點心 (Closed)

放工係蘭桂坊happy hour，之前醫醫肚先，晚餐時間友人話想食點心，於是上網見到附近新開左間「優點心」，於是去試下。餐廳除了點心之外，仲有重慶串燒，點心即叫即蒸，串燒都係即叫即燒，所以等侯時間會耐d。點心方面，有傳統既蝦餃燒賣，餐廳亦好創意新穎，有d fusion系列。我就叫左海膽燒賣、黑白松露素菜餃、阿華田竹炭流沙包海膽燒賣，賣相已經好吸引，一疊海膽係面頭，海膽鮮甜，燒賣用豬肉包成，肥膏同豬肉比例適中，滑溜溜既肉質帶點juicy黑白松露素菜餃，新鮮蒸熱辣辣，已經聞到松露既香氣素菜餃皮薄，晶瑩剔透，要小心翼翼地夾。餡料有冬菇、糯米等預先炒香，混埋面頭既松露食更加香濃味美。阿華田流沙包，加左竹炭去搓成，好特別！濃郁既阿華田餡料流心，小心燙口！串燒方面，叫左蘆筍同秋葵。串燒灑滿孜然粉，充滿重慶味道，師傅控制火候剛剛好，蔬菜唔會燒到乾爭爭，保持水分。整體點心有特色，啱哂鐘意試新野既朋友