古今二 (荃灣千色匯I) (Closed)

古今二應該無人唔識佢，佢先係觀塘銅鑼灣有分店，今次黎荃灣店試試。呢到最出名就係日式fusion色彩繽紛既卷物，出名程度係電視都介紹過佢嫁😎1️⃣七品刺身拼盤 $388每款都有三件仲要全部厚切，有海膽，帶子，三文魚，吞拿魚，劍魚腩，油甘魚，活赤貝。食材新鮮連擺盤都好靚嫁😃小插曲，店員係我就食哂d海膽先拎紫菜黎，佢拎黎個陣都顯然好尷尬，但我無怪佢，只係覺得成件事好好笑，佢都好有禮貌解釋廚房忘記左而侍應都比較新所以又唔記得要上紫菜先發生咁既事😊2️⃣蟹膏壽司 $40蟹膏好香，略嫌細舊囉😝3️⃣忘不了你 $88佢係卷物黎嫁🤣有芒果，燒牛肉同芝士，淨係睇樣已經夠吸引，一條長長都有好多舊，黎到唔試下佢d卷物真係唔好話有黎過古今二呀😅4️⃣網燒牛舌 $58唔知大家會唔會同我一樣都特別鐘意食牛舌，仲一定要厚切呢😬？呢度有5件，燒得好香但只有兩件係偏厚，好似唔太滿足到我🤨