古今二 (荃灣千色匯I) (Closed)

今日去左荃灣食呢間好評如潮的日本菜。餐廳裝修以白色拼木色作為主調，簡約設計，配上垂下來的燈泡，很有氣氛，影相出來仲好stylish。餐牌有很多選擇，呢度既沙律同招牌特色卷物都係推介，燒物亦都好出名，我們決定主攻呢幾款作為今日既下午茶。柚想蝦你沙律：份量十足，加入左柚子、鮮蝦、番茄、牛油果同沙律菜，撈埋酸酸甜甜嘅柚子醬汁，作為頭盤很開胃，蝦爽口彈牙，夠新鮮。超級龍卷風：作為招牌之一，內容非常豐富，由鰻魚、海老、芝士、青瓜包住炸得脆口既天婦羅炸蝦，配上鰻魚汁，這個組合簡直無得輸，令我們一試難忘。費城卷：卷物表面灑滿芝麻，細緻嫩滑既牛油果配上入口即浴的芝士，提升了香滑既口感，三文魚脂香四溢，在口腔內蕩氣迴腸，良久未能消散。埼玉網燒牛舌：牛舌厚薄適中，燒得恰到好處，十分惹味，個醬汁有酸酸地既檸檬味。整體來說，餐廳環境很舒服，店員有禮貌，下次要再嚟試其他壽司、串燒、鍋物。