塚田農場 (Closed)

消費券一出立即出去同老公食飯慶祝一番，呢間塚田農場經過好多次都見到好多人等緊位，好好奇到底有乜咁好食就試吓，真係唔錯喎原來舖頭係主打美人鍋，有角色各類嘅美人鍋，我哋今次就揀咗蕃茄美人鍋，有得配套餐，兩個人都只係498 ，以沙田市中心來講，算係性價比非常高。一坐低侍應好快就遞上兩杯水等候服務相當不錯，落單係用QR code，我真係天才落錯單，好彩侍應都立刻幫我處理，服務好抵讚！上菜亦都好有次序，先來頭盤鰻魚忌廉芝士美人卷，用上平時越南菜用的紙米卷去包住鰻魚、芝士，配搭非常之新鮮，味道都非常不錯，芝士味好濃郁，如果你係芝士控的一定要一試！三文魚蟹肉壽司卷，好鮮味的蟹肉，配上三文魚，雖然份量細咗少少但係味道搭救，好新鮮美人鍋以蔬菜為主，配上幾塊煙肉、雞肉、雞肉丸。煙肉唔算好鹹，但如果換上薄切豬肉或牛肉我會覺得比較配合。雞肉新鮮，三款肉類當中最好。蔬菜非常之足量，對於想食得健康的人來講，美人鍋係好好的選擇，最後選擇一切個湯底，非常鮮甜，並非一般味精湯底。忍唔住飲咗兩碗。