四寶食堂 (Moved) New Location

貌似Tiffany blue嘅餐廳顏色令人嚮往，食唔起真嘅，食返個似樣嘅餐廳滿足下自己😂 食物中西合壁，除咗炒粉麵飯（而且仲係有啲特色），有意粉都正常，竟然仲有pizza，真係非一般冰室~ 喜哥蔥油豬扒煎蛋飯Search過下有唔少人推薦，所以試下啦，俾個名呃咗，以為普通嘢，原來有驚喜！豬扒勁厚又大塊，好足份量，但唔難切開，咬落好有質感，“蔥油”並唔油，搭埋豬扒食一流，送飯更加唔會漏！蛋煎到半生熟，配鼓油撈飯，好有家常味~另外叫咗個小菜，蜜椒金薯安格斯一口牛，最初唔明金薯係咩種類，食落先知係蕃薯，每一舊蕃薯都爆過，外層都有小小脆，蜜糖分佈均勻，淨係蕃薯都覺得正，牛柳加蜜糖炒原來係幾好食！以一口嚟講佢牛柳粒都算大粒，不過呢個餸食小小就好易飽XD兩樣餸食完覺得唔簡單，老闆好有誠意設計所有菜式，冰室食到呢種質素，抵佢愈開愈多分店！