倒數通完頂咁濟，搞到今日成日都渾渾噩噩。諗住訓醒近近地搵間cafe慢慢坐下hea下諗下2016年大計，點知訓到唔想起身最後５點先去到（出發前打去問間cafe係６點閂）
．．
係林村新村站落車過條馬路，見到均益士多向右手邊條小路行，行2-3分鐘就見到右手邊既樹林之中有間白色既小房子，成功到步。唔怪之得叫forest cafe，真係比唔少大樹包圍住。
cafe有分室外同室內位置，室內空間比較細，大概可以容納10個人。
裝潢切合主題以木系傢俬為主，牆身油上白色同淺藍色加添一分柔和感
cashier既另一邊有d懷舊裝飾，其中最耀眼莫過於個盾甲人同埋果部黑膠唱片機 
成個感覺舒適得黎都幾型仔。
2
室外除左有綠色太陽傘遮蔽既長木枱，原來係正cafe隔離仲有間小小既private room，果度有梳化坐添嫁好似好正，不過我地到步果時比一大班人霸佔左嚕 
。。
最後見涼涼地就揀左個室外位坐，點知坐坐下發現好多蚊比人咬左幾啖，雖然後尾staff拎左蚊香黎都無嘜太大改善
始終都係樹林之中，可能揀室內會安全ｄ。
望一望menu先發現原來食物既選擇都幾少下，仲以為起碼有all day breakfast食添，原來主要都係burger/snacks/dessert
1
好彩個人唔夠訓消化得慢都唔會好肚餓，嗌ｄ輕食都應該夠既。
- Cappuccino（原價$35，跟burger+$30）：
拉花唔知係失左手定點，唔係好睇到係咩圖案...不過係咁鬼眼訓既情況下飲到一杯微苦又有香濃咖啡香既cappuccino已經好滿足，精神為之一振
係就係細杯d但起碼唔會話太多泡。
- Picadilly Chicken Burger （$65）：
輕食份量。burger既餡料簡單，除左一大塊連皮雞扒，就只有２片蕃茄同少量生洋蔥。個人都幾偏愛個麵包，脹卜卜得黎口感夠實唔係空氣包，仲因為沾左ｄ洋慕味齋食都好香
（麵包控mode）雞扒應該係用沙嗲汁腌過都幾惹味，雞皮好似煎得好香但狀態不佳唔敢食，去皮後發現雞扒偏瘦，不過薄薄地幾好唔會食到滯（但男仔食就可能唔夠飽。）
ｄ薯角好普通
，好彩有茄汁/芥末醬點下；沙律菜加左ｄ黑醋同橄欖油，夠爽口好fresh。
- Banana waffle（$40）：
同樣都係輕食份量只有２塊小小既格格waffle。賣相唔錯但食落都幾失望下，疑似落左好多糖偏甜，口感唔夠鬆軟又無嘜蛋香，感覺上有D似係叮熱番係超級市場賣果d冷凍waffle
好彩隔離既香蕉夠香甜，好味道
雖然食物唔太討好，但咖啡真係唔錯，又追加多左杯latte。
- Latte（$35）：
鐘意佢用依個透明雙層杯，可以清楚睇到咖啡唔同既layers
同樣香濃美味，只係比cappaccino更milky。個人就鐘意cappaccino比較醇厚既口感
埋單$170/2ppl。
可能太遲黎坐得一陣就要走人，又揀左有蚊既室外位，無辦法好好享受佢既賣點environment，感覺上性價比唔太高。
始終都係新開業，食物方面有進步空間都係好事，希望佢地會不斷改善
仲有值得一讚既係d staff都好helpful加油！
