特上牛肉串燒盛合
串燒盛合可以揀雞牛豬，今晚揀咗呢個特上牛肉串燒盛合，有牛肉金菇串卷，日本產和牛串，牛肉壽喜燒串，厚切牛舌串燒，同秋癸串。牛肉質地鮮嫩多汁，燒烤嘅方式令牛肉散發出誘人嘅香氣，每一口都充滿肉汁。搭配生雞蛋，七味粉，增添風味。
日本產豚肉車厘茄卷串
豚肉卷串以豚肉包裹新鮮車厘茄，肉香同清甜感覺交織，外層烤至微焦，口感酥脆，入面清新，特別適合酒伴。
松葉蟹肉稻庭烏冬
松葉蟹肉稻庭烏冬非常出色，手工製作嘅稻庭烏冬韌性十足，蟹肉肥美鮮甜，融合咗海鮮嘅甘美，湯底濃郁而且清爽，令人忍唔住一口接一口。
厚燒玉子
厚燒玉子內裏非常幼嫩，口感順滑，令人感受到日本料理嘅精緻。搭配一啲醬油，風味更升華，令人溫暖。
牛油果加州卷
喺呢個唔熱唔涷嘅冬天，牛油果加州卷可以帶嚟清新嘅感覺，牛油果creamy ，蟹柳，青瓜，黃瓜感覺清新，口感輕盈，令人食指大動。
伯爵茶芭菲
伯爵茶芭菲層次分明，雪糕充滿茶香同奶香，清新不膩，啫喱，mochi, 突顯各種質感，非常吸引。
飲品揀咗冰涼特飲- Lychee Frozen同
Strawberry Smoothie，口感細膩，而且酸甜適中，令人感受到夏日嘅清新。
