味道樂居酒屋 (河內道) (Closed)

同朋友係衝住呢間舖嘅壽喜燒而嚟嘅，所以就算我地約咗7點咁早都一早訂咗位。以免要等位啦！一入到嚟舖頭都未算多人嘅，鋪頭嘅裝潢果然好有居酒屋嘅風味一場嚟到，同朋友梗係叫咗一人一個牛肉壽喜燒啦。果然... 無期望就唔會有失望😞。但係因為我地好有期望，結果就好失望啦。首先，個湯底只係正常偏下嘅發揮，唔算得上係出色。第二，雖然張圖有少少effect，但都清晰可見啲牛肉係薄+鞋到唔知想點。希望舖頭唔好再拎呢啲質素嘅牛嚟Hea大家，普通街市買嘅牛肉我相信都會好食過喺呢度食到嘅。最後，呢間舖嘅Staff唔知咩事係西口西面咁，好似唔想做咁嘅樣。anyway, 香港大把食壽喜燒好過呢度嘅地方，總之唔會再嚟第二次。