L'AMOUR

同女友人入大埔專登試下呢間隱世法國野，就咁睇門面，唔講都唔知係餐廳！
只要㩒一㩒鐘，職員開門，入面嘅環境就一清二楚，呢個設計非常好，可以比客人有驚喜之餘仲提升私隱度。
我刻意唔影相，等你都可以有我體驗到嘅驚喜。


今日第一道菜就先嚟咗 半打法國蠔。
蠔好新鮮，淡淡海水味又唔會過咸，而隨碟上嘅海鮮醬都好夾，值得一試。

第二樣係 魚子醬溫泉蛋沙律
我覺得呢個沙律個靈魂係隻溫泉蛋到，一定要確保個生熟程度啱啱好先至可以令成道菜昇華，而廚師確實係完美呈現在溫泉蛋應有嘅口感，亦同魚子醬同三文魚籽做到無縫配搭

第三樣就嚟到主食嘅 忌廉法國海膽薏米飯
我自己就畀呢個飯完完全全俘虜咗，原因係佢每粒飯嘅口感都可以做到好「煙韌」，而海膽又非常鮮甜，一碟真係完全唔夠，勁想叫多碟外賣比男朋友試下，但都係下次帶佢嚟試埋其他菜式。

最後一樣亦都係今日主角，威靈頓牛柳。
作為無牛不歡嘅我，威靈頓牛柳係我必選嘅食物，因為佢外脆嘅酥皮配上肉汁豐盛嘅牛柳，確實係好難有其他牛嘅菜式可以挑戰到佢嘅地位。而L'amour嘅呢份威靈頓牛柳亦係無所挑剔，牛柳粉嫩，酥皮外層酥脆，配埋其他配菜，真係可以為我呢個晚餐畫上一個完美嘅