最震撼係樓梯嘅七彩燈籠💛🧡💜
每一位經過都會影相打咭。
餐廳既擺設都由越南直送，好有心思🇻🇳
去過會安再黎呢度特別有feel !
1
🍤 Shrimp Ceviche｜越式生蝦刺身 ($138)
虎蝦爽口鮮甜，配青檸魚露汁+乾蔥，
酸香開胃，魚露唔搶味，反而帶出蝦嘅鮮甜，正！
🦀 Soft Shell Crab Rice Paper Rolls｜
炸軟殼蟹米紙卷 ($113)
香脆軟殼蟹夾住芒果、牛油果、香草，點少少花生醬汁，口感豐富香口！
🐟 Turmeric Whole Seabass｜薑黃烤原條鱸魚 ($238)
原條鱸魚魚皮烤到微脆，魚肉嫩滑！
配上羅勒、蜜柚、檬粉用生菜包住食，味道層次爆燈！
🥩 M9 Wagyu Bavette｜炭燒M9和牛後腰脊 ($338)
炭燒香誘人，肉質粉嫩帶咬口，油花均勻牛味香濃～
點焦糖牛肉汁，夾脆包食香口惹味！
🍧 Coconut Sherbet｜香芒蜜柚椰子雪葩 ($72)
芒果+柚子+椰子肉+蜂巢脆糖，口感豐富，果香清新，完美作結～
☕ Affogato｜越式咖啡雪糕
Lotus Biscoff雪糕淋上越南濃縮咖啡，濃郁香甜，咖啡控必試！
呢度既cocktails 🍸都好有特色！
8點前仲有happy hour 添！
🍹Go With The PHO｜越式牛肉粉雞尾酒
真係成碗牛肉湯咁！
氈酒+橙酒混合牛肉高湯，加入八角、黑豆蔻等香料，仲配有辣椒檸檬。
鹹鹹地又夠酒味，創意十足好特別
🌸 Hoi An Cong Chua｜會安公主
粉紅色Mocktail 好girly!
荔枝+青梅汁+接骨木花糖漿+玫瑰花氣泡茶，
清香唔甜膩！
