M佬之選：九州地獄拉麵
拉麵熱辣辣嚟到，已經聞到好香嘅辣味。不過入口又唔係好嗆喉，係微微嘅辣味，刺激味蕾得嚟，又唔會蓋過其他嘅味道，辣味啱啱好！大家仲可以根據自己嘅喜好揀選湯底濃度、拉麵粗幼同硬度，我就揀咗濃湯底同普通硬度嘅粗麵。特別欣賞半肥瘦嘅日式叉燒，預先用黑椒微微煎香，十分香口。拉麵仲有半隻糖心蛋、紫菜，真係十分足料！
A姐之選：阪上將軍拉麵
A姐話想食健康啲，揀咗蕃茄豬骨湯底嘅阪上將軍拉麵。湯底有淡淡的蕃茄清香，加上香濃嘅豬骨味，出奇咁夾。粗身拉麵掛湯力強，配埋黑椒半肥瘦叉燒，真係好好味。
唐揚炸雞
新鮮炸起，外皮香脆可口，雞肉嫩滑多汁，好Juicy，正！
日式煎餃子
同樣係新鮮煎起，一咬開，肉汁豐富，餡料十足，一啲都唔馬虎！
