小樽壽司屋 (Closed)

依間壽司屋係我好鍾意食嘅壽司店之一，因為店舖取材新鮮，老闆有佢嘅堅持，我知道老闆以前係酒店日本餐廳嘅廚師，好欣賞佢自己創業都有咁多嘅堅持。女子don係我每次嚟都一定要食嘅，左口魚邊勁爽口，火炙過魚脂香濃。海膽新鮮清甜、三文魚子粒粒彈牙、三文魚肥美、吞拿魚茸都好好味，配合牛油果，成碗飯都好飽肚，好滿左，都只係賣$128，感動❤️每次放學好攰，過嚟食一碗飯就會精神晒。一個係火炙三文魚、吞拿魚等等既飯，都係女子don最好味。另外食過鰻魚飯、烏冬、刺身拼盤、壽司拼盤，都係don飯最好味。