放下素 (Closed)

追求健康飲食是必須的。媽咪鍾意食素，小編又未試過，知道銅鑼灣有呢間素食，就book左6時晚飯，$98/位。永光中心3 樓一出即是，餐廳寬敞簡潔，恬靜十分，有種洗滌身心的感覺。台式引入的素食自助餐，店員介紹店鋪背後環保理念，每人一套餐具使用； 而且僱用亦是社會弱小一群，透過工作建立信心精神，熱心公益。餐廳自助菜式選擇一目了然，自助沙律bar，自己素漢堡自己整。先烘左漢堡面，放上素漢堡、菜同粟米，淋上黑松露醬千島醬，完成。配搭自選，素食都可以有趣。第一次食素漢堡，塊素漢堡原來係由鷹嘴豆和紅嘴豆製成，煙煙韌韌，幾有嚼感。食漢堡，一樣可以食得健康。旁邊的水果乾即時製作，橙和蕃茄乾蜜味濃。橙乾邊身少鹹，撈埋麥皮，非常新嘗試的配搭，清清地又幾好食。另一邊的熱食盤盤豐富，拎左pizza，雞蛋，青瓜木耳，上湯津白，粉絲。仲有天婦羅系例，南瓜、炸金菇、炸秋葵，外層薄脆口；餡都保持水潤。湯水甜食那邊，有反沙芋頭同糯米滋，其中糖蕃薯很讚。最後，食碗粟米淮山粥。清清甜甜，淮山爽口。健康飲食70分鐘，平實一頓。 自助餐時段如下：