豐石板燒專門店 (Closed)

🔸美國Prime封門柳 200g $98🔸美國安格斯牛小排 200g $148🔸自家製蜜桃烏龍冷泡茶 $10-食肉獸們又有好推介，呢間新開嘅石板燒肉店門面望落好似平平無奇，但實際非常高質啊！同朋友揀咗兩款唔同嘅牛嚟試，首先要講吓安格斯牛小排油花非常均勻，一睇就知入口即化，咬落滿口牛油嘅香味。而另一款封門柳就比較瘦，咬落肉感豐富，肉質都係好軟稔唔乾柴。讚吓呢度嘅石板好夠熱，同埋夠大塊放得落兩大塊扒，唔怕燒唔切石板就凍晒啊～另外餐廳係採用半自助式，沙律菜獨立用玻璃容器分裝放喺雪櫃，又新鮮又衛生，仲有三款唔同嘅沙律醬配合。醬汁方面有燒肉汁、黑椒汁同豬扒汁，任君選擇。仲有新鮮靚湯同白飯任裝，大胃王啱晒啊！想講當晚飲咗羅宋湯，老細話係用返燒牛肉嘅牛嚟煲，仲有肉料湯渣，正！