福岡漢堡扒 (鴻威大廈) (Closed)

🌥️呢幾日天氣陰霾籠罩，最啱食d熱辣辣嘅野刺激下味蕾！係旺角見到有石燒和牛漢堡扒，可以自己燒下玩下，感覺幾有趣吸引！💁🏼‍♀️環境乾淨企理，每台都有獨立嘅抽煙系統，唔使怕成身油煙味。我哋叫咗個二人餐都好豐富，有兩款和牛漢堡扒、丼飯、沙律、麵豉湯同飲品。✨二人套餐Ver.4（$366）波蘿煙肉和牛漢堡扒芝士蛋蒜和牛漢堡扒💥將適量嘅漢堡扒用鏟放上熱石，壓一壓再反一反，「支支咋咋」即整即食，極度惹味。外皮燶邊香脆，內裡肉質嫩滑，沾上蛋漿和芝士食，邪惡到滿分呀！🧀芝士泡豚丼飯面頭鋪滿豚肉、泡菜，份量驚人！味道甜甜辣辣，加埋芝士拉絲，呢個組合冇得輸！