近日見到FB介紹佢搞甜品放題
又見到個fd的挑戰post(食左7個甜品)，鍾意食甜品的我又點可以錯過丫
由於活動就來完結，我地7點左右去到就見到條長龍
大約有20人。等左一個鐘有多，終於入到去喇
我地應該係最後一round。極速點左個dinner combo之後就order甜品，今晚甜品先係主菜丫
每人要點一個main, 我地就點左呢個二人份的意粉。驚太辣，叫佢少辣
見到隔離枱的一人一個main,份量之大，都唔知點食甜品。好在我地叫左呢個，份量啱啱好
牛油味好香，又多蜆喎，食到舐舐脷丫
有驚喜
快速食完個意粉，第一個甜品上枱
本人唔鍾意食心太軟，但呢間整得幾好味。個流心有質感，唔會太稀，好似水咁。而且個拖肥sauce加上rum味的雪糕，好match丫
有個小插曲。早早order左個拿破侖，但好耐都未來。咁咪追下佢囉。。。點知佢以為我地落order，就同我地講話賣曬
個心即刻沉左
後來過左一陣，又拎左來喎。原來我地order嗰個整緊
拿破侖我覺得最重要的係佢個酥皮。呢間的酥皮未夠酥脆，但都ok的。吉士cream唔會太甜
本來想食檸檬crepe的，但賣曬
就叫左呢個芒果味的。size細細的，啱曬我地個皮夠薄，切開又唔會散開曬。啲啲酸味，就算食左幾個甜品，都唔會覺得佢漏丫
呢個都推介
佢唔會好似soufflé 咁空氣，有飽肚感的，但又唔會死實。配搭焦糖醬，楓糖，牛油同vanilla味雪糕。真係一次過食到多種口味丫
我對藍莓芝士cake無興趣，淨係想試佢個泡沫。藍莓味的泡沫，好creamy，而且唔係太甜，所以一啲都唔膩
加埋啲餅碎食，又有另一個口感。
飽到上心口，試埋最後呢個奶凍。用料大堆頭
有雪糕，奶凍，生果，脆餅同士多啤梨醬
士多啤梨雪糕好香士多啤梨味。士多啤梨有啲酸，又係可以中和返果醬的甜。唔想只有單一的口感，就一匙羹bud曬所有的材料一齊食甜品同主食都好出色，唔怪得佢得獎啦
