Lava Java 咖啡西餐廳 (Closed)

今晚約咗朋友食晚飯，諗住搵喺觀塘嘅工廈食，最後朋友介紹左去王子大廈依間西餐廳。依間Lava Java Cafe 環境唔錯，乾淨舒適而且座位闊落，好適合朋友傾計聚會呢度嘅食物質素幾好，好味之外賣相亦都非常靚，員工服務態度唔錯，價錢亦都相宜綿綿朱古力朱古力上面加左細粒棉花糖，一開始都會驚太甜，但係味道唔會過甜，而且棉花糖入口即溶，朱古力味濃郁火辣雞翼雞翼燒得非常香，而且啱啱熟所以雞肉夠曬嫩滑，另外辣味唔重，反而香味撲鼻一口法式田螺酥盒出面食田螺多數就咁加薯蓉喺下面，但係依家餐廳就比較特別，將薯蓉同田螺連埋酥餅焗好上枱，夠酥脆，而且可以一啖放入口，口感好有層次，特別得來又好食保雲蘇焗羊扒 呢個係法國菜式，羊面層塗上芥末醬、麵包糠和香草來焗香，超級好味，而且食到少少羊既臊味，味道非常之香，口感好好，擺碟亦都好出色墨汁配帆立貝扁意粉份量好多丫，味道甜甜酸酸都幾開胃，加左少少蟹子，增加口感，帆立貝新鮮，不過味道偏淡