一點心 (擺花街)

Open Now

Now Closed

今日過海中區開會，之後喺中環上山自動電梯就到大館時右手邊，見到擺花街轉灣位有間新店《一點心》，細看原來是太子過咗海嚟到呢頭。龍頭店太子長期排長龍冇乜機會食到，呢間新開，點都要試， 唔想煮飯食點心就最方便。看看餐牌，咁多選擇，花多眼亂，晚餐唔想太飽，來幾個點心：豐料珍珠雞~低碳飲食，珍珠糯米雞份量啱啱好，食到糯米雞味道之餘，仲可以食多幾款點心。鮮蝦菜苗餃~蝦餃燒賣食得多，菜苗餃特別啲，鮮蝦爽口夠彈牙。香茜牛肉腸粉~腸粉最緊要夠滑，芫茜&牛肉最佳配搭。甜酸炸雲吞~新鮮即叫即炸，返到屋企依然香脆，酸酸咪咪，一啲都唔油膩。季節性中式老火湯，仲有期間限定足料雞扎，下次要試。一次過滿足幾個願望。