Video
Read full review
2017-06-09
87 views
Bilibala 最啱就就係形容我女朋友 (如果有埋吱吱喳喳仲啱)。今次又嘈我平時顧住食快餐，唔陪佢食下串燒摸下酒杯底咁。好喇好喇，今晩就帶佢嚟呢度喇，貪佢環境夠清靜，有氣氛，囡囡最鍾意。一坐底點可以唔嗌返杯酒。皆因大小姐唔鍾意重酒味嘅飲品，所以我就揀咗角玉梅酒，夠甜，有啲梅子味夠易入口。連個杯都好特别，個杯底係陀螺形狀，好似企唔穩咁，女朋友仲好興奮不停轉個杯狂拍片。Openrice 見好多人試黑松露冷日本蕃茄 ，我哋都唔執輸。日本蕃茄超大片，黑松露味好重，配上酸酸甜甜嘅爽口蕃茄，非常吸引！女朋友最喜歡食牛舌 (其實佢已經夠晒牙尖嘴利)，話夠晒爽口彈牙，唔講唔覺就只係留返一舊俾我食。鹿兒島豚角煮嘅賣相好似東坡肉，但食落完全無中國東坡肉嘅肥膩。肉質又稔又軟，肥瘦分明，上面仲放上葱絲真係超好食，必嗌！銀雪魚係必食！魚肉嫩滑夠晒淡淡肉，仲好 juicy，魚皮仲係燒得夠脆身～ 😍 煙肉露荀卷好 Ok 喎，煙肉一啲都唔韌，同埋爽口露荀一齊食，小小油嘅感覺都無，仲好夾添。我哋仲嗌咗舞茸黑豚卷，黑豚肉嘅肉質結實，脂肪又少，同埋爽口嘅舞茸菇一齊食，簡直係食緊高級版嘅金菇牛肉卷！雞骨腸燒得好香脆，而且真
一坐底點可以唔嗌返杯酒。皆因大小姐唔鍾意重酒味嘅飲品，所以我就揀咗角玉梅酒，夠甜，有啲梅子味夠易入口。連個杯都好特别，個杯底係陀螺形狀，好似企唔穩咁，女朋友仲好興奮不停轉個杯狂拍片。
Openrice 見好多人試黑松露冷日本蕃茄 ，我哋都唔執輸。日本蕃茄超大片，黑松露味好重，配上酸酸甜甜嘅爽口蕃茄，非常吸引！
女朋友最喜歡食牛舌 (其實佢已經夠晒牙尖嘴利)，話夠晒爽口彈牙，唔講唔覺就只係留返一舊俾我食。
鹿兒島豚角煮嘅賣相好似東坡肉，但食落完全無中國東坡肉嘅肥膩。肉質又稔又軟，肥瘦分明，上面仲放上葱絲真係超好食，必嗌！
銀雪魚係必食！魚肉嫩滑夠晒淡淡肉，仲好 juicy，魚皮仲係燒得夠脆身～ 😍 
煙肉露荀卷好 Ok 喎，煙肉一啲都唔韌，同埋爽口露荀一齊食，小小油嘅感覺都無，仲好夾添。
我哋仲嗌咗舞茸黑豚卷，黑豚肉嘅肉質結實，脂肪又少，同埋爽口嘅舞茸菇一齊食，簡直係食緊高級版嘅金菇牛肉卷！
雞骨腸燒得好香脆，而且真係有條骨係裡面！
最後要咗個梅子燒飯糰同明太子燒飯糰。飯糰面燒得好脆，好似食緊飯焦咁，裡面嘅飯仲係軟熟同暖。仲有脆卜卜嘅紫菜俾你包住，口感一流。
Post
