下午茶精髓除咗咖啡/茶之外，個人覺得個scone都好重要。原本對哩間餐廳嘅食物質素無咩期待嘅，因為佢唔算出名；老實講係覺得有得食有得拎好抵，所以抱住一試無防嘅心態嚟幫襯嘅。點知，一試佢個scone好有驚喜喎。其實scone唔係咩特別嘢，但可能就係普通嘢先最考廚房嘅功力啦。哩度個scone好味嘅，夠牛油香，唔油而且外脆内鬆化；個jam同clotted cream都好味，配埋食好完滿。其他咸甜點都好味。原本諗住哩個價錢仲有嘢送應該唔好抱太大期望同咁高要求，但試過之後覺得佢交足貨，性價比高。就算唔再做聯營優惠，都會再嚟呀。
個咖啡都好飲，真係一個不錯嘅下午茶選擇。
1
