北海道爐端 (Closed)

終於搵到一間好食嘅居酒屋喺公司附近啊！荔枝角D2place 2真係多咗好多餐廳，例如cafe、西餐、日本野、賽車餐廳！有好多都好高質素，但食物係唔係每間都好食啦，我遲啲會慢慢試！今次食呢間北海道爐端，實在太有驚喜了！我係被佢嘅壽喜燒吸引，＄148就可以打邊爐，你哋睇吓啲料幾多！牛肉非常之鮮美，唔會太肥，好高質！我仲叫咗個三文魚子丼，我最鍾意就係食三文魚子，呢度雖然唔係好多份量，但係合乎佢嘅價格！呢度食串燒係最出名嘅，我只係叫咗個燒完條明太子！全餐最差就係個甜品啦！我哋叫左呢個由哈密瓜雪糕，配料有咸嘅粟米片，甜嘅麻糬，全部野都唔配合，仲有少少薄荷味，一啲都唔好食！仲唔平！扣分！