北海道爐端 (Closed)

荔枝角D2 Place 二期開咗一段時間， 間唔中都會去下 ，因為這D2 商場一、二期都好近， 商場又有特色, 加上很多特別嘅食店進駐，揾好野食唔難。就像二期一樓這間北海道爐端Majimeya日本餐廳， 幫襯了兩次,水準都保持得好好， 今日晚餐就食日式火鍋和雜錦串燒，加杯Draft beer和海鮮丼 ，極豐富美味的一餐。日式火鍋是牛肉壽喜鍋,另加烏冬半份，HK$158。牛肉賣相吸引，肉脂分佈比例平均，肥膏少，味道濃，如份量更多更好。 湯底配料新鮮， 以雜菜為主， 味道清甜，用來滾日本烏冬非常美味。雜錦串燒有五款不同味道,分別是芥辣豬腩串、帆立貝串、鹽燒雞翼、汁燒雞軟骨棒和日本番薯仔， 五款口味，盛惠HK128。味道好正， 除材料新鮮外，絕對是師父嘅功架，燒得啱啱好，少少燶，食落十分脆口， 一邊食一邊飲啤酒，滿足。Draft Beer是三德利頂級生啤(中),HK$48杯，味道不苦澀，啤酒味濃又顺口， 幾好飲。最後海鮮丼， 有三文魚、吞拿魚、 油甘魚、八爪魚、 飛魚子和牡丹蝦， 全部新鮮刺身， 肥美肉厚，鮮甜真味，回味無窮。