翅客美食 (Closed)

經朋友介紹下，咁啱今次又經開佐敦就去咗翅客美食，食朋友講嘅海南雞飯同埋海皇碗仔翅，估唔到真係好有驚喜，首先先講海南雞飯，海南雞起曬骨而且d雞肉好鮮嫩，雞皮超薄，絕對唔係肥雞。配埋黃色飯真係食到停唔到，而且醬汁亦都 調教得啱啱好，個湯有少少辣好醒胃，成個套餐絕對要再嚟試。海皇碗仔翅就好足料，有瑤柱、大蝦、雞肉、竹笙等等.......嘅材料，因為我鍾意食麻油嘅關係，落咗好多落去，加埋少少醋，真係好好味。