Shadowman Cyber Cafe (Closed)

亞士厘道成日都好多人等食晚飯，因為肚餓唔想等，見有位就入咗去，坐位比較窄，燈光又怪怪地，因為係cybercafe 所以有兩部電腦放喺道(不過無人用緊)。見餐牌都幾多野食，點咗兩個晚餐"露荀併蝦意粉"同埋"燒羊膝伴飯"，頭盤有"煙三文魚沙律"同"芝士焗青口"，味道普通，份量亦一般。主菜方面"露荀併蝦意粉"味道不錯，但溫度明顯不足，上枱時只係少少暖，食咗兩啖已經係凍啦，"燒羊膝伴飯"嘅味道仲要唔掂，加上溫度不足嘅毛病，女友食咗少少已經無晒胃口，加上坐位偏窄，侍應經常踫到客人坐椅造成騷擾。最後，女友點了特飲"朱古力smoothie"，但口感奇怪，比一般smoothie較「水」，味道普通。我的熱檸茶上枱時，侍應沒給糖包，亦太疏忽了。