牛油果柚子沙律🥗沙律菜都幾新鮮，有半個切左片嘅牛油果，配埋柚子酸酸地咁食，幾開胃
黑松露沙律醬薯條🍟薯條新鮮炸出嚟，個沙律醬好重黑松露味，好香口，仲要係粗薯條，更有口感，勁快俾朋友搶哂嚟食
炸魷魚🦑魷魚都幾厚肉，炸到好香脆，保持到口感，又唔會好乾，仲有芥末醬點，好惹味
雞翼拼盤🐓水牛城、鹹蛋黃、南乳脆皮
重點推薦鹹蛋黃，勁惹味，帶點鹹香，鹹蛋黃好邪惡但真係好好味！雞翼都好大隻，仲炸得好香脆添
燒黑毛豬扒🐖豬扒唔算好大塊，但好厚切，燒到有坑紋望落好美味，食落有焦香味，頗有口感，旁邊配上燒汁，伴碟仲有粗薯條。
銅鑼堡🍔<鵝肝、安格斯牛肉、芝士、蕃茄、生菜、招牌MOO MOO醬>
漢堡包比想像中細件，但塊牛肉漢堡好juicy！！
好有牛肉味！鵝肝細細件，但係好濃味，個口感超正呀！麵包幾鬆軟，醬汁都係好味，唯一不足的就係太細件
香草醬意大利麵🍝香草醬係自家製，好似青醬，幾濃郁！面頭仲有芝士碎，增添口感！意粉煮到剛好，唔會好腍，可能醬汁都幾濃，食完佢都幾飽滯
瑪格麗特薄餅🍕Pizza唔算好大件，切開6塊，芝士俾到好足，好邪惡，配上香濃蕃茄醬！但薄餅底就一般，唔算厚但亦唔係薄，偏硬身，個人麻麻地
紐約芝士蛋糕🍰慶祝生日關係，餐廳仲提供蠟燭，蛋糕size相對的骰，細細件咁，但都夠食，主食都好飽肚，但又想叫個蛋糕做個完美ending，蛋糕幾濃芝士味，偏腍身，唔錯
